Breaking News! Cinkhua ah ralkap mawtaw panga an phan

April ni 7,2021 ah Hakha,Mie peng, Cinkhua ah ralkap mawtaw panga an phan tiah thawng kan theih. Zei ruang set ah ti cu kan fiang ve lo nain ni hin ah Hakha khuasa kan khuami Pastor pakhat an tlaih i an thlah than mi he pehtlai in a si kho men,a ruang cu Pastor pa i a nau pa kha an kawl mi a si i,cu ruangah kan khua ah an ratnak hi a si kho men tiah khua mi pakhat nih a chim.Credit: Chin Post

Relchap >>> Chin Miphun Caah Kan Miphun AN ttha Bik;
Ka miphun hoi hna,mah ka ttial mi hi na ruat bal cang maw?miphun chung hin na zuangzam maw?Chin miphun hin padang nai duh maw?Kan miphun hin nudang dah nai duh,ti hi bia tlangpi ah ka van hman.

Kei Ka Caah Ka Nupi A Ttha Bik i,ka nupi nak ttha ka hmuh hna paoh ahcun zuangzam le nupi cung nuduh khi ka si hnga.Nungak dang or nudang cu,mah nu cu aa ai dawh ngaingai ti mi khi cu kan ngei kho men,sihmanhselaw nupi caah cun ka duh lem hna lo caah ka nupi cu tthen lo in nupi ah ka ngeh peng ko caah,ka nupi cu ka caah a tha bik mi a si ko.

Chin miphun nih hin hriamtlai dang i an hruaitu hna kan mit a vathiit khi cu,zuanzam bia deuh a si i,miphun ah lung a fek lo mi,lungrep a ngei lo mi kan si ti a langhnak phun khat a si. Chin miphun hi,Pathian nih a duhte in a kan ser mi miphun kan si.Kan mah le kan mah kan idirkamh ding a si.Kan mah le kan mah kha kan iconghlomh i kan ilaang coih awk a si.

Chin miphun nih ralkap dang kan ngei hna lo, CNF/A lawnglawng hi Chinmi hna nih kan ingeih mi ralkap CNF/A hna cu,Vawleipi zong nih Chin miphun aiawhtu an si ti cu an theih mi,CNF/A lawng an si. Cucaah, KIA Chairman e, KNU President e,AA President e a tha,kan duhbik tibantuk in lungput kan ngeih i kan holhka in kan chim peng mi nih miphun dnag sinah kan miphun limhaang a zorter ti hi kan ifian a herh.

Delhi ah Zakhan pa pakhat le Kachin nu pakhat nih cun,Chin mi nan ralkap bawi pawl hi cu an ifittuk,khua ruah an thiam,ipalh lo te in a tutiang ram caah an cawlcaang kho peng mi hi upat kan peek tuk hna.Ralkap lei ah hin nan thazaang cu tam hmanh hlah selaw,nan hruaitu hna hi ram thawngpaang kong a thei mi le rampi phunghram le ihruai ning a thiam mi lawngte an si mi hi,Tlangcung dang zong nih kan in zohchun mi hna nan si e,an ti.

Kei ka caah cun miphun hriamtlai Chairman vialte nak in,CNF?A,Chairman,Pu Zing Cung hi ai dawh bik i a ttha bik ko.Cun,Hriamtlai phu dang an ralkap Bawi vialtenak in,Pu Solomon le Pu Htat Ni, hi an tha bik ko,hriamtlai phudang bawi nih ka mitlung an tlinh lo,ka mitlung a tlinhtu hna cu,CNF/A kan bawm pawl lawnglawng hi an si.”Bawipa nih thluachuah pe in lam hruai zungzal ko hnaseh. By Tinduh Thang

error: Content is protected !!