ASEAN Summit Ah Lungtlinnak Ah Lomh Awk Ka Ngei Lo - TIMES OF CHIN NEWS

ASEAN Summit Ah Lungtlinnak Ah Lomh Awk Ka Ngei Lo

ASEAN Summit lungtlinnak ah lomh awk ka ngei lo. Hlathlaitu phu kan thlah lai, ton biaruahnak nawl kan pe tiah Min Aung Hlaing an hal, OK a ti hna. Mithah Lainawnnak, vuakdennak vialte ngol law thong na thlak mi hna chuah hna an ti. Lungtlinnak (5) cu an tuah! Keinih cun kan rak chim lengmang mi “Asia way” timi kha a si ko.

Ram mipi temhtuarnak caan lehlam an sau ter lai. Hlathlainak an i tuah ter lai, kha kha tuah, cucu tuah an ti lai, biaruahnak (Dialogue) an ti lai. Lainawnnak a tuahtu Min Aung Hlaing luatnak lam a si lai i “Federal Democracy” timi lam an hlat ter lehlam lai. Min Aung Hlaing nih a karlak ah China le Russia biathli a tuh hna lai, zik a nawh hna lai.

Tlangcung hriamtlai phu karlak ah ziknawh nak a tuah lai, pakhat le khat i fonh kho loin an um te lai. Cu tic un kum zeimawzat a liam te lai. Cu nak cun “NUG zong nih ASEAN bia le hla, Asian Way ah lung um lem loin, Federal Army sernak, State cio in ralkap doh le dawinak tbk” tuah hna sehlaw, a let in kan lam a nai deuh lai i teinak le duhmi a lang colh lai.

ASEAN nih cu tin lungtlinnak an tuah khawh good news ti phun ah kan ri sual lai, Min Aung Hliang luatnak le duh tlinnak, Ralkap nih uknak a lak khawh taktak sualnak lam a si sual lai. Kum(70) le ceihmai nak in hlen le caan suai piak kan si cang. Peaceful mean timi kha Lainawng pa caah sullam a ngei lo e Credit: Duhnung Par

error: Content is protected !!