Alert! Ralkap le CNA warning an i pek veve cang caah pawngkam um khua pawl ralrin tein an um dih cang - TIMES OF CHIN NEWS

Alert! Ralkap le CNA warning an i pek veve cang caah pawngkam um khua pawl ralrin tein an um dih cang

April 12 ah Min Aung Hlaing naule rual, ram-ui, asiloah ralhrang nih Chin miphun hriamtlaibu a simi CNF/A cu nan camp ah kan in tlawng hna lai tiah an chimh hna. Hi kongah CNF/A upa hna cu meeting an thu colh.

CNF/A Kong Ah Theih Ding – Chin World News Evening

Meeting ah cun atu lioah vawleipi theih in a mualphomi le a thangchiami ralhrang rual cu maw kan camp ah cun kan luhter hna lai. A voikhatnak an rak luh kha a za cang. Tutan kan luhter hna ahcun kan mipi nih an kan zum ti lai lo, a fih in an kan fih cang lai, cucaah cun kan luhter ti hna lai lo. Kan duh lo buin an rak luh ahcun meithal kan puah a hau ko tiah CNF/A upa nih biachahnak an tuah.

CNF/A Ralkap Cu Mizoram Lei Ah An Til Cang Timi Thawngpang Hi A Dik Lo! – Chin 11 News

Cu an biachahnak cu ralhrang sinah an thanh hna. Ralhrang lei nih cun cunglei nih an kan fialmi a si caah kan rak luh a hau ko ti phun in an chim ve. CNF/A lei nih nan rak luh ahcun meithal kan puah a hau an ti cangmi a si caah ralhrang pawl CNF/A camp i an luh taktak ahcun an i kap ko lai, ti a fiang.

Arakan Army Tluk In CNF/A thawnter a herh maw?. – Kawltu Team

A voikhatnak ralhrang pawl CNA Camp i an luh lioah khan Chin mipi nih CNF/A kan mawhchiat, kan soisel tuk hna. Tutan tu cu luhter an duh bak ti lo, i kahnak a chuah taktak ahcun Kachin le Karen bantukin Chin mipi nih kan tuar ve ko lai. Pathian tu nih kan umpi cio hram seh.

CNF/A Lei Mah Hi Nan Tuah A Herh Cang – Chin World News Evening

Hi kong hi thawngpang kan theih lecangka in thawngpang vaivuan hna a si sual ah tiin Chin Post nih tuanvo ngeitu upa kan chawnh hna i thilsining an kan chimh hnuah atu bantukin mipi sinah thawngpang kan tial hi a si.Note: Chin Post nih mipi zawng ruahnak he thawngpang tha tein a zohfel dih hnu ah a post mi a si. Ralrin tein um a herh zia kha mipi nih kan theih khawhnak ding caah share i bawm cio a ahau.

error: Content is protected !!