Kawlram pi nih kan uar tak tak mi Aung La N Sang cu a ra lai mi April 28 ah Russia pa Vitaly Bigdash he i thongh ding in timhtuahnak ngei a si. Nain a tu cu puai thlen nawn a si than. A ruang cu Vitaly Bigdash hi a tu lio zawtnak Covid-19 in a zaw tiah theih a si. Cu ruangah Aung La N Sang cu Netherland Pa Reinier de Ridder he April 28 ah an i tthuat than lai. Aung La N Sang zong cu Reinier de Ridder nih a rak tei cia mi a si caah Aung La N Sang nih Ridder he a tthuat than ding hi aa ngeih tak tak ve lai.

Aung La N Sang le Russia pa Vitaly Bigdash hi voihnih an i tthuat cang i voikhat ve ve an i tei. A tu hi a voithumnak thuat ding an si nain Vitaly Bigdash a dam lo ruangah thlen piak an si than. Cun Netherland Pa Reinier de Ridder le Aung La N Sang zong hi voikhat an i tthuat cang. Netherland Pa Reinier de Ridder nih fawi tak tak in Aung La N Sang cu a rak tei.

Reinier de Ridder hi tlaikhih a thiam tuk mi a si caah tih zong anung ngai. Ka hnu lei Aung La N Sang he an i tthuat lio zongah a tei dan cu Submission bak in a tei. A tu zong hi Netherland Pa Reinier de Ridder le Aung La N Sang hi a ho dah aa tei lai ti chim a har ngai. Aung La N Sang zong tha deuh in training a tuah cang caah Aung la N Sang hi zumh a um deuh cang. An i tthuat caan hi Kawlram caan in April 29, Sml 7am in awt a si lai.

Relchap >>>>> Na Bawmhnak Hna Dolar 150 Thawng A Thang Bak Hih!!
CNF/A Kan Bawmh Mi Hna Le An Phaisa Hmannak Hi Tuak Hmanh Na Fiang Ko Lai Eh.Khah CNF/A pawl kong ah kan hmuh ning le kan ruah ning cio cu facebook kuang kip ah ttial le zamh cio a si i,a cheukhat lebang nih cun diriam ngaingai in an kong cu a si he si lo he kan phozar hna i,kan ilungsi ngai chinchap hna,Diriam tuk in an kong kan ttial tik ah hin kan thling tal hi a za hnga lo maw aw ti hi kei ka ruat ngaingai tawn.

CNF/A ram thumnak a phan mi nih kan bawmh hna kan chanh hna tiah heh kan au,a diknak tampi a um ko,kan bawmh mi hna a phaisa kalnak tiang kan tuak piak hna,kan tuak duh taktak fawn lo,an thangchiatnak tiang telawng in kan tuak fawn mi hi cu kan ipalh ngaingai hna lo maw?kan tuak vevek a si ahcun mahbantuk hin tuak law,mah hi Lai tuak in tuak zong ah,Mirang in tuak zong ah fian loawk a tha lo mi a si.

CNF/A bawmhnak ding caah tiin Chinland Club tiah an ti,mah ahcun kum khat caah dolar 150 an peek hna,150 in kum tampi peek a si,nikum khan dolar 300 peek a si.Khah a tawinak in ka van langhter hmanh lai mu! CNF si lo in,CNA ramtang a um mi pawl khi a tlawmnak in mu,ralkap he nu le ngakchia he awh thong 2500 tluk ah hei chia,mah hmanh an tamtuk na ti ahcun 2000 ah kan tthumh piak lai mu! minung puitling cang mi nih a tulio thilman le sining in minung pakhat a ei bak lawng seh ka van langhter hmasa.

Minung pakhat nih thlakhat ah a ei mi bak lawng hi a tlawmbik india tangka in Rs 2000,a ei hrimhrim i,kum khat ah a ei mi hi 20,000,thong 18 india tangka in a ei.A thilpuan thlen ve a herh lai cu mu,hilpuan cu telh lo koning awh,na buai chin sual lai mu.Minung 2000 nih thlakhat ah india tangka in Rs 4,000,000 a si i,kumkhat ah teh,Rs 48,000,000/ a si .Khah na thawh mi kha zeizatdah kum khat ah na thawh ?.

Chinland Club ah kum chiar a thawh lengmang mi hna hi a tamnak lei in ka van tuak lai mu,minung 5000 nih kumkhat ah 150 in an thawh i dolar 750,000,a hei sihnga,mah cu india tangka in karh ahcun,Rs 52,500,000-48,000,000 in zuuk law Rs-4,500,000 te khi a taang hnga.Khah mah hi dolar cuhlan a tho mi hna kum chiar tlawrhlo te in minung 5000 nih an thawh ti khin ka hei tuak cuh, asi ahteh,CNA pawl nih hin nupi fa hna an ngei hna,an mah zong sihnaseh,an nupi le an fa le zong si hnaselaw thilpuan le a herh mi dang pawl teh an ngei hnga lo maw? a karlak ah hriamnam cawk a herh,hriamnam hna hi aw a ngei lo hulhual an si loh cu,minung le an tam tik ah an hriamnam le a tlawm ti bia khi a si i,hriamnam cu an zalh lengmang ve fawn,hriamnam man nih le pakhat man lawng hmanh kha keimahnak in a tuak kho lawngte nan si ko khah.CNF kan pa le hna nih CNA an ei din awk le an hriamnam ca le Tlangcung mi le a dangdang he an cawlcanghnak ah ke in kal awk a tha maw? CNF nih meeting ngeih lo in um awk teh a ttha maw?mah tiang khin ruat tuah hna usihlaw na tha a da ko lai eh.

Cucaah CNF an cawlcangh chihnak cu chimlo in aw, CNA ca telawng hmanh ah hin an ei din ding mi le an thil puan le an hriamnam caah hin a tlawmbik in Chin mi hna nih hin kum khat ah minung thong 10 nih dolar 300 cio hi bawm kho hna usilaw mah ahcun kum raulo ah kan ralkap hna hi tlangcung hriamtlai phu lak ah zahpi lo ding mi ralkap khi an si ko.Zuu an ram e hna a tenau tuk mi kan hei ti hna, KIA pawl khi an ram ah hin kum 1 te ka rak um ve le ka hmuh lengmang ve ko hna,Zu an ding viar tiawk khi an si.A tu ka langhter mi kha Lai tuak in dawhawh ka tuak mi a si kha mu,Mirang tuak in tuak lebang ahcun aw,zaangfaak taktak khi dahkaw an si cuh,khawidah kan in bawmh mi hna ti hna ah khan au lengmang ti hlah,zeizat dah kan chap rih lai ti tu khan ti cang usih.

Kan ralkap hi ral an kaap lo tiah zai fawn hlah,lamdang in ram sernak lam a um ahcun ilawm, i kaap hme u,kap hna uh tiah a au lengmang mi pawl hi,ram thumnak i a phan mi le ram hnihnak,Mlaysia le India ram i a hei um ve luklak mi, cattial ka huam ti phun in keimah bantuk pawl khi dahkaw kan hei si ko cuh.Mi pangai nih cun aw,dai te in tawr an bawmh hna cuh,na tangka dolar 150 kum khat ca i na thawh mi kha a thawng a thangtuk,na bawmhnak hna a thawng thang seh ti na duh veveek ahcun,kum khat caah dolar 3000 hna teh na thawh,na thawng a thang chinchin lai i,mah ticun pei a dang zong nih aw si maw an ti lai i an izuam cio lai cu mu.Khah zarihseh ka peh tthan te lai. By Tinduh Thang