Ralkap hi an mawhlonak tete a um ve tiah ka hmuh i ka zumh - TIMES OF CHIN NEWS

Ralkap hi an mawhlonak tete a um ve tiah ka hmuh i ka zumh

Myanmar politics kong hi ka thei tuk lo i ka holh tuk lem tawn lo, asinain duhzong duhlo zongah thil sining nih a vun kan nenh tikah vun dothlat lo awk a tha ve ti lo. Ca ka rel, kan pale mifim pawl bia le catialmi paohpaoh ka rel, ramchung mifim pawl chim mi le ka zoh dih ve, a hramthok ah cun ralkap hi an mawhlonak tete a um ve tiah ka hmuh i ka zumh, asinain cucu a rak si naisai lo timi kai fiang chin lengmang.

MAH zong nih hin tih mi a ngeih ruangah aana a ting hi a rak si lem lo, bawi si nih a rak thawttuk caah le nawlngeitu bik si zungzal a rak duhtuk ruangah asi diam. Ai ruah ning ahcun Thailand bantuk in kan si ve lai, cuhlan Newin le Than Shwe bantuk si loin zalawnnak tampi ka pek ve hna lai i midang bantuk cu ka si lai lo, tiah ai tim. Asinain ai ruah ning a rak si naisai lo, CDM le bang khi cu a um lai cu chim lo a min hmanh a rak theih bal mi asi lai lo.

Mipi nih ai ruah lo ning tuk in phundang pi ah an i kuaih diam, kum 70 chung kan tuar cang i cuhlan bantuk in kirpi an kan timh Generation Z (chan donghnak) kan si cang thih tiang doh lawlaw ding asi cang, a hram in bongh lawlaw ding asi cang tiah an ti ve. Ahram thok ahcun mipi an lung fiang lakin a nemnak in ka chimh khawh ko hna lai tiin duhlonak langhtuk pawl cu ai zum ngai nain, thih tiang doh dingin an i tim diam ve mipi nih cun.

Ai chuah sual ve cang tikah 88 bantuk in hriam a vun hman taktak ve, asinain mipi nih lungdong an i tim naisai ti lo ai! Tuhi a thiamnak dong dih cikcek tiang in mipi hrocer ning le hrem ning a theih mi cu a dih nawn cang, ai ruah lo tuk hoi in mipi hi thiamnak le thil ti khawhnak an rak ngeituk hoi caah mipi hi meithal ti lo cun a chei a chei kho hna lo. Asinain a fiang ngai ko mi cu ai ti sual cang caah a dongh tiang cu thih ngam in a tang lawlaw cang lai. Mipi zong nih a dih tiang an tang lawlaw ve lai caah tuhi ral thawh awt ai tim ka lawng asi rih. Credit: Chelsea bawi

error: Content is protected !!