Mipi Nih Theih Bal Rih Lo Mi Khabib Nurmagomedov A Rak Sunghnak (Video) - TIMES OF CHIN NEWS

Mipi Nih Theih Bal Rih Lo Mi Khabib Nurmagomedov A Rak Sunghnak (Video)

Vawleicung MMA thuatthiam ah a min a thang mi Khabib Nurmagomedov cu ai tthuat nak ah a sungbal lo tiah theih a si. Khabib Nurmagomedov hi ground game a thiam caah UFC ah cun a teitu a tutiang an um tak tak lo. Nain 2005, Khabib Nurmagomedov kum 17 a rak si lio ah Russian Sambo Championship ah Magomed Ibragimov ti mi pa he an i tthuat i Magomed Ibragimov nih a rak tei.

Khabib Nurmagomedov cu mah voikhat te hi a rak sungh bal tiah langhter a si. Russian Sambo Championship lio i Khabib Nurmagomedov le Magomed Ibragimov an i tthuatnak video cu a tang leiah zoh a duh mi caah kan rak chiah chih.

Relchap >>>Avoi Thumnak Stimulus Check
************************
President Joe Biden nih Coronavirus ruangah harnak a tongmi hna caah bawmhnak, $1.9 trillion coronavirus relief package bill an remh thanmi version cu tu zanlei ah senate nih vote an thlak cang lai, Senate ah democrats le Republican nih vote 50 veve an thlak I an itluk ahcun Vice President Harris vote in biachahnak an tuah lai. Senate nih an fehter mi bill cu House ah an kalpi than lai i, House nih an cohlan hnu ah President Biden nih minthut lai i fehter a si lai. House I an kalpi thannak aruang cu House ah an rak pass cangmi kha Senate I an chuahpi hlan ah an remh thanmi tete a um caah a si. Mah cu House ah va kalpi i fehternak tuah than a hauh caah a si.

President Joe Biden nih US sipuazi chanhchuahnak caah $1.9 trillion coronavirus relief package chungah hin minung pakhat nih US$ 1400 ngah dingmi stimulus chek a tel, rian ngei lomi hna caah zarh khat ah $300 cu September thla tiang ngah dingmi a tel, vaccination centers le Covid-19 testing caah $130 billion a tel, schools on thannnak ca le safety caah $15 billion, small business grants; caah $350 billion le State emergency funding, local le territorial governments, reinstating paid sick leave, child care tax credit caah $15 billion, states subsidize child care for low-income families caah $25 billion fund pek a si lai

Tutan avoi thumnak stimulus check a ngah dingmi senate I an chuahpi mi bill chungah minung pakhat nih kum khat ah US$ 75000 in a tanglei a hmuhmi nih US$1400 full in an ngah lai. Asinain kum khat ah US$ 75000 in $80000 karlak a hmumi nih cun full in an co lai lo. Nuva hmun khat i tax file a tuahmi hna nih kum khat an hmuhmi phaisa US$ 150000 in a tanglei a ngahmi nih US$ 2800 an co lai. Cu pin ah fale ngeihmi hna nih minung pakhat ah US$1400 cio ngah chap a si lai.

March15 ah hin Federal cozah nih rian ngei lomi hna bawmhnak a pekmi zarh khat i, $300 pekmi kha a dih cang lai caah Democrats pawl nih March 15 tiang ahcun bawmhnak hi an fehter hrimhrim ahau. Cucaah avoi thumnak cozah bawmhnak cu March thla dih hlan ahcun ngah a si lai tiah zumh a si. Nan ngahmi chung in CDM caah a tlawm bik, $200 cio cu thawh i zuam cio te ulaw tha tuk hnga. By Salai Lairamthang

error: Content is protected !!