Kan Dirhmun Zoh Ah Lung A Fak - TIMES OF CHIN NEWS

Kan Dirhmun Zoh Ah Lung A Fak

Tlang cungmi kan hawi asi mi Kachin nih “Kachin Political Interim Coordination Team” (KPICT)timi buu an dirh. Tulio ramkhel sining dirhmun in KPICT nih Kachin miphun le an ramkhel kong an hmaitlak lai i an aiawh lai ti asi. CRPH nih KPICT cu a tang lei bantuk in a cohlang i a conglawmh hna.

Hi bantuk ramkhel buu le Chin miphun a aiawh kho mi (political institution) ngei kho ve usih tihi ka saduhthah nganpi pakhat asi. Interim Federal Chin State Government (IFCSG) tiang asi khawh ahcun dirh a ttha tiah awi tampi ka catial nak in ka langh ter cang. Nain mi cheu nih CRPH a um ko caah a herh lo tbk an ruat.

A poi khun mi cu kan hruaitu cheukhat nih CRPH hnu zul deuh an i thim. CRPH kan duh lo asi lo. A herh ahcun rian kan ttuan ti ko lai. Miphun pakhat asi mi nih miphun dang asi mi an khuakhan nak kha zakhat ah zakhat kan ni hrawm kho hna lo tu asi. Kan timhmi le kan duhmi lam a dang kho.

Ram pakhat (teritory/land), nunphun (culture) le holh (language) a ngeimi miphun pakhat kan si. Kan duhmi paoh kan mah tein khuakhan lai rel ngam ding kan si. Kawlram sernak hmanh ah a biapi tukmi ramkhel biakhiaktu (an important political actor) kan si. Cu kan dirhmun kha kan ni philh tawn. Cucu a poi tuk. Fak deuh ruat ah lung a fak. Credit : Rual Lian Thang

error: Content is protected !!