Joe Biden President Si Cu Fir Longte In Dawidawh A Si Cang Ko - TIMES OF CHIN NEWS

Joe Biden President Si Cu Fir Longte In Dawidawh A Si Cang Ko

USA Ah Bawmhnak Anfiar/ 200 billion. Computer hi thiamtuk cang hna kaw zei le zeidah an tuah hawi ko cang hi. 200 billion nak hmanh in a tam deuh kho tiah an ti. Joe Biden president si cu fiar longte in dawidawh a si ko cang. Titan Joe Biden bawmhnak cu check in mi an kuat hna I an lih in an tuah an ti. 200 Billion an fiar tiah an chim.

California state ah 11.4 billion a tlau an ti. Cun rian tuanlomi min in tampi minung pakhat min in hmun tampi claimnak an tuah rih an ti. Cun mi tampi nih rian kan tuanlo tiah, halnak an tuah an ti rih.
Cun 4.38 billion hi illegal phungninglo bawmhnak ah an hman an ti rih. Atu hi hi kongah vuithum tawnnak an ngei cang tiah an chim. Atuhi khuaci an mui ko cang. Fiar in president a tuan le bawmhnak zong fiar dihdawh an si ko cang hi. Credit: J.TZT

Relchap >>> Tu Caan I Daite na um ahcun!!!
Persia pennak tang ah Judahmi hna hrawhdih ding in rawiphiar an rak tong. Siangpahrang nupi Esther nih a theilo. A pu nih a chimh. A pasal, siangpahrang sin va chim kha Esther nih a ngamhlo. Cu caah a pu nih ‘hi bantuk lio can I daite I na um ko ahcun … nangmah le na pa ciruang hna cu nan thi lai.. ‘ a rak ti.

Tulio Kawlram chung buainak hi Esther chan Judahmi hna tuarnak he aa khatbak ko. Hi lio caan I daite um cu himnak silo in thihnak ding tu a si. Esther thluak chung ah a lang colhmi cu mah nawl in siangpahrang va ton cu ka thi kho tiah a ruah. Cu caah a tih. Tulio mizeimaw nih CDM ka tuah ahcun zeitindah kan nun lai tiah nan phang. Nain kha nan phanmi kha nan hmailei chan tiang thihnak ding lehlam a si.

1. Tanhmi ka ngeilo ti I daite i-umter hi ralkap tanh a si. Ralbawi Zaw Min Tun nih pei a au lengmang mi hna tham cu ram mipi I 15% lawng an si a ti kha. A aulo mi kha anmah lei tang ah an I ruah I thazaang ah an I lak. Na au a hau, na tum a hau, na chuah a hau.

2. Cozah riantuan pawl CDM tuahlo hi ralkap dirpi a si. Keimah rian thingte ka tuan ko tiah I chim ter hlah. Na rak rianhmi cozah a um tilo. Uknak chuttu ralkap thawnnak na tuah a si. Khakha zir a si.

3. Mi tampi nih nunnak an hloh, ningcanglo tuk thahnawn an ton lio le ralkap puarhrang uknak duhlo I an au an chuah lio ah zung na kai rihmi nak in miphun rawiphiar a um tilo. Kha thahnawnnak a tuahtu hna leikap na tan a si. Thisen nai neh ve kha philh hlah.

4. Miphun ralkap hna an thawn a herhbik lio can a si. An derthawmnak lawng chim peng can a silo. Dirkamh I a thawnter tuding si can a si. Hriamtlai hna hi mithah le minawn an duh ruang ah hriam an tlaihmi a silo. Miphun covo hlamthan nak caah nun thapmi tu an si. Hi lio can ah I theihter duhlo I daite na um ahcun thihnak thiamthiam na zunding a si ko.

5. Zumhnak ruang ah CNF/A ca pek duhlo I um kha zumtu fel sinak a silo. Ralhrang Kawl ralkap nih duhpaoh in thahnawnnak tuah ko rih hna seh ti lam onh a si.

6. Tulio buainak ah mipi le ralkap kar ah itluk (draw) sian ding a silo. Itluk cu mipi caah sungh (thih) a si. Tei hrimhrim a herh. Teinak ding caah daite nai um ter ahcun teinak lam a hla chin lengmang.

7. Tlangcungmi hna caah federal ti lengmangmi hlamnak can, canrembik a si. Hi caan kan tlolh ah cun sungh cikcek a si lai. Tulio caan, miphun nih rawiphiar a tuar lio caan ah, miphun le ram ca aw le thazaang chuahlo in mah him duh ah daite um hi himnak a silo. Mipi nih teinak a hmuh ko lai. Teinak hmuh tikah cun CDM ah aa telduhlo mi le daite aa um termi hna nih nun nan ngamh te lailo. Tuanbia ah na tlau lan lai. By M Thawng Kam

error: Content is protected !!