CNA/F An Biachim Hi Zoh Cio Ko Tuah Uh A Ho Minung Nih Dah A Zumh Lai - TIMES OF CHIN NEWS

CNA/F An Biachim Hi Zoh Cio Ko Tuah Uh A Ho Minung Nih Dah A Zumh Lai

CNA/F an bia chim hi zoh cio ko tuah uh $1000 man cawk ah a phorh man $3000 total $4000 a ho minung nih dah a zumh lai..ting1 man cawk ah ting3 phorh man a si lai vok zong nih an zumh lai lo..mah ruang ah hin phaisa hi a tlau dih taktak ko buaktlak in cun theih a si ve ko teh..$1000 man $3000 phorh nak ding cu volei cung a rum bik ram hmanh nih an pek kho hna lai lo..

Nikum TNLA hriam an tlaih mi vial te kha ting5000 man lawng a si kha $400000 man a si zeitluk in a tam zoh cio tuah uh…CNA si seh law hriam tel lo an uniform lawng khan $400000 a si an kan ti lai i an kan hlen diam cang lai..https://youtu.be/kuA_-r0UV5c link kha hmet law ngai cio tuah uh news tampi a dang dang cio ih an chim ve nih$400000 man a si.. Credit: Za Cung

Relchap >>> Biden President a Tuan Chungah a Hmasabik US le China Top Diplomats an Tuang an i Thinhnawh
====================================
Biden cozah a kai hnu in US-China top diplomats cu Thursday ah khan tonnak an ngei i, Alaska ah zapi hngan bakah cei lakin an i mawhchiat veve, tiah theih a si. Kan hnungte ah khan US officials pawl Japan le S. Korea an vung tlawng. An tlun tlawmpal ah a tu bantukin China cungah faak ngaiin bia an pau i, China lei zong nih ro ngaiin a leh ve hna. “Xinjing, Hong Kong, Taiwan hna an cung i China nih thatlonak na tuahmi siseh, US le kan ramdanghawi pawl an chawlehnak thazaang cung i cyber attacks na tuahmi vialte he pehtlaiin kan lungre a theihnak hi a taktuahsernak hmangin khua kan khaan a hau cang lai,” tiah US Secretary of State Antony Blinken nih camera hmaika bakah China upa pawl cu a phomh hna.

“Hi na tuahsernak vialte nih hin vawlei pumpi a himnak le daihnak a domhtlaitu phung a hnursuan cang,” tiin Blinken nih a chim. China he pehtlaiin Biden cozah nih cuhlan a lungput thlen a timh hi a fiang ngaingai cang. Trump cozah tang i chiatchuah a tongtuk cangmi US-China pehtlaihnak a tharin ser than ai tim. China top diplomat Yang Jiechi nih cun holhlet hmangin minute 15 chung biachimnak a ngei ve i, “A ngaingai tiah cun, nanmah US ko hi pei democracy kongah ai sualsammi cu nan si cu. Miphun tlawm (minority) pawl thitha in nan zohkhenh hna lo, ramdang an foreign policy le trade policies vialte cu heh tiah na hei soisel len ve” tiin a leh hna.

“Nanmah US nih hin pei nan ralhriamnaam le chawva thazaang i hman riangmang in hriamnam damhnak kong i phungphai cu caansaupi chung nan tlaih cu, cun ramdang pawl hi heh tiah nan namhnul hna. Punghmantein tuahmi khat le khat chaw i lehtonhnak hnahnawhpek nan duh caah nan ramchung himnak (national security) phung le lam zong nan chiatchuat dih cang hih. Cun China doh dingin a cheukhat ram zong na forhfial fawn hna,” tiin Yang nih a chim.

“Mithmailangh le phungbuarnak”
Yang nih cu ti a leh hna lio ah cun US National Security Adviser Sullivan le a dang officials pawl nih Notes pawl khat le khat an i chaan hna. An bia a dongh in, Blinken nih a khaan chungah journalists pawl sinah bialehnak a tuah. Meeting caan cu nazi 1 lenglo a rau i, media pawl meeting room in lenglei an chuahter hna hnu ah kaphnih lutlai pawl cu biaka in khat le khat an vun i char lakmak colh.
“Nanmah China hi mithmailangh a duhmi nan si” tiin US nih China cu a phomh. “Nanmah US lei lawng pei sautuk bia nan chim cu. Khual zawn nan kan ruat lo cu ta” tiin China nih a leh ve hna.

“Nangmah nih pei ram khat le ram khat i biachonhnak phung le lam cu na pah cu” tiin khat le khat sual an i phaw tonh. A hmasabik an i tonnak ah biasu 2 bia an thlaak khawh. “China palai hi a hlan kan tein i vaukaan dingin rak timhlamhnak ngei cia sehlaw a dawh. Mipi hmaika ah i titer ai tim,” tiah US official pakhat nih thawnglatu sinah a chim. “Tamhmoih (exaggerated) tuk lehpek in ramdang pakhat nih biachimnak a ngeih tikah an ramchung mipi duhnak hmuh ai timh, ti a fiang,” tiah US official nih a chim.

“Alaska ah Chinese officials pawl an cawlcangh a tha ngai, US belte nih khualtlung cung dawtnak a langhter bak lo” tiah China social media a hmangtu hna nih heh tiah an chim. Tutan meeting hi a cheukhat le bang nih cun “Hongmen Banquet” ko a lo, tiah a cheu nih an ti phah. Hongmen Banquet, timi cu a liamcia kum 2000 hrawngah khan tapung bawi nih thah duh ah midang kha rawldumnak puai ah a sawm, tinak a si.

Thursday chunhnu ah meeting tuah than dingin timhlamhnak an ngei. A hmasa kan meeting hi kan i biatak ngai, direct bakin kan i ti veve. Nazi 2 chung tuah ding kan ti ko nain, tuan ah kan dih, asinain kan tluang ngai ko, tiah Biden cozah official pakhat nih a chim. “Kan i tinh ning tein caan kan hmang. Kan duhmi, kan i hmaithlakmi kan langhter veve” tiah Biden official nih a chim.
Trump nih China tilri cung i ngunkhua a khiahmi telhchih in, Biden cozah nih China tawlrel a timhnak kongah program a suisam lio pi a si i, democratic duhnak le China nih a buarmi human rights kong hi Biden cozah nih ai hmaithlak deuh mi cu a si.

Taiwan, Hongkong le Xinjiang kong hi cu kanmah kan chungkhar (internal) kong a si caah US nih nai thlaakmi hi kan duh lo, tiin China nih fektein a duhnak a langhter. China he biaruahnak nan ngeihmi kong he pehtlaiin bia nan kan ruah ve nak lai, kan in nawl, tiin Taiwan foreign ministry nih US cu a nawl cang. Lungtlunglo in um khawhnak phung le lam Biden nih January in office a lak hnu ah a tu bantukin Europe, India, le a dang US hawile sin i Blinken khua a tlawnmi zohtikah US nih China hi biataktein deetkhawt a timh, ti hi a lang, tiah Washington nih a chim.

Tutan ah hin cun a ruang tlawmte kong lawng ah lungtlintinak ngeih khawh dawh an si. Kan kaphnih hnatlak ciami lam te ka zul peng ko cu ta, tiin China lei nih a ti ko nain, US nih cucu a pompiak lo. An i ton lio ah cun US lei nih Chinese telecom licenses khirh (cancel) than ai timhnak kong siseh, US ram chung himnak kongah Chinese information tech companies pawl hi dawnkhantu an sinak kong siseh, Hong Kong i democracy hrawhpiak dingin China ai telhveih mi ruangah a cung i US nih phihkharnak a tuahmi vialte kong zong a chimchih dih.

Cu ti an linhsat lio pi ah cun, nan kan ngiathlai, tiin China nih Canada rammi pakhat taza a cuai. “Phihkharnak nan kan tuahmi hi tutan kan meeting hlan hrimhrim ah thanh dingin timhlamhnak nan ngei cia ko lo maw?” tiin Chinese State Councilor and Foreign Minister Wang Yi nih Blinken cu dingteu in a hal. Bianabia ah, climate policy, coronavirus kong hei ti bantuk, US kan duhnak hi nai hrawm khawh ve a si ko ah cun nanmah (China) he riantuanti kan duh ko e, tiin Washington nih a chim. Cun a nuclear hriamnaam ser ngol dingin North Korea hi na soilem khawhnak ding a si ah cun a cung i na hluannak (influence) hi hmang law, ti kan duh ko, tiah Blinken nih a chim.

Meeting thok le cangka khat le khat an i zuanhnawh lakmak mi nih hin zeidang ceihhmai kho ti lo in, khat le khat sual i phawtnak le ‘cucu vun tuah, khakha vun tuah’ tiin a dong kho mi a si, tiah Center for Strategic and International Studies ah Asia expert a si mi Bonnie Glaser nih a chim.“Tutan i tonmi zoh tikah aho lei hmanh a thathnem hna lo. Zatlak bak a si” tiah Glaser nih a chim. Credit: Chelsea Bawi

error: Content is protected !!