Breaking News! Pi Noami Lian Zong CDM Ah Aa Thawh Ve Cang - TIMES OF CHIN NEWS

Breaking News! Pi Noami Lian Zong CDM Ah Aa Thawh Ve Cang

Hakha Chin Oo Sii sang khuasa Pi Noami Lian nih Zungkai ti loding in le CDM ah i tel dingin Chin Oo Sii Mino Bu sin ah a chim caah a cungah lunglawmhnak tampi kan ngei. Cucaah, Online Media, Media hna le pumpak facebook page ah Noami Lian konglam nan tar mi vialte nan rak Delect than colh nak lai Upatnak he kan in nawl hna. 2021 March 1
Chin Oo Sii Mino Bu

Relchap >>Tuar Ko rihning~”Ka Miphun Thisen Zun Cu”
>>>>>>>>>>>>
Miphun dang bantuk in zalong le luat tein nun kan duh ve, timi biakaa khat chim ruangah, ralhrang tuupi ko bang, hriamnam phuntling he an tuk, an den i an thahmi ka miphun hawi thisen ka hmuh tikah lungzur in ka ttap! Ka ngaih maw chia deuh, ka lung dik faak deuh? Ka hngal kho lo..

Ka khulkhua ruahnak a mui i teirulcham duhnak lungthin nih nikhat hnu nikhat ka nun a uk chin lengmang! Pathian bia in i hnemh kaa harh chin lengmang. Misual le mitthalo caah “dawtnak le nemnak” nih zei sullam dah a ngeih? timi biahalnak nganpi nih fak deuh le thang deuh deuh in ka lungthin innkhaar a hun kingh..

Lungfah na duh ahcun Kawl ralkap kong ruat” tiah kan pale nih an rak ti tawnmi cu a tak in kan hun theihthiam ve cang. Hi hna kong ruah ahcun thluak a ro, nun a hul, nun a baa i thisen a reu..

Hi a thuk tukmi lungfahnak chung in ka lungthin luatter khawhnak lam cu ka hngalh ko nain luatter ka duh rih lo; ka miphun thisen a luan chung cu fak peng ko rih seh! Ka lungfakmi damnak ca i thlacam zong ka duh rih lo.

Fak ko seh, ka lungthin cu… Tla ko rih seh, ka mitthli cu.. Tuar ko rihning, luatnak duh ah a aumi ka miphun thisen zun cu… Uknak chiahru, ralkap uknak a dih a thih hlan cu, tuar ko rihning~”ka miphun thisen zun cu”. Credit; Hrambik Lian

error: Content is protected !!