Republican palai minung pa 5 nih impeachment tuah an duh

Democrats pawl nih Vice President Mike Pence cu 25th Amendments hmang in President Donald Trump phuah dingah an fialmi cu Mike Pence nih a duh lo. Cucaah Democrats pawl nih House ah Artitce of Impeachment hmang in phuah dingah biatung an dirh caah atu lio hi House ah debate an tuah cuahmah lio a si.

House ah Democrats palai 222 an um i, Republican palai 211 an um ve. Republican palai minung pa 5 lawng nih impeachment tuah an duh. House ah Democrats an tam deuh caah house nih President Trump cu impeachment an tuah lai i Senate ah biaceih dingah an kuat lai. Senate meeting cu January 19 lawngah meeting tuah a si lai caah President Trump a dinh tiangah tazacuai manh dawh a si ti lo.

Senate i taza an cuai zongah Democrats nih tei khawhnak lam a um lo Senate i cheuthum cheu hnih vote lawng in President Trump cu phuah khawh a si Senate ah Democrat le Republican cu vote 50 veve lawng an ngei. Republican nih cun Democrats pawl thil tuahmi cu sullam a ngei lomi a si, US caah thatnak in chiatnak a chuahpi lai an ti. By Salai Lairamthang

error: Content is protected !!