Pastor – Tuukhaltu Nih Politics Le Sport Ah A Tui Tukmi Hna Hi Zeidah A Cang Kho

Khrihfabu ah caantling Pastor – Tuukhaltu a simi nih Politics le sport ah a tui tukmi cu lunghrinh awk ngaingai a si. Tukhal rian a si lo. A si in a si lo. Theih le hngalh ve tiang kha a za ngai ko. Hi bantuk ruangah anmah zong anmah lila zong an tlau kho i an tuu-run hn azong an tlau kho. Pathian bia le hla, Thlacam tu ah hin fakpi in tui deuh awk le ṭang deuh awk cu asi.

Thil dangah tui tuk ah cun, cu karlak ah an turun an tlau i an zaw dih man kho. Tuu cu ṭha tein cawm, kilven le zohkhenh a herh taktak mi a si. Thil cu amah umnak ding hmun ah a um lo ah cun, a rim a hmui tukmi zihmui hmanh khi luak a chuak i hlonh awktlak dirhmun a phan tawn.

Tihnawhmi hohmanh a um lo. Pastor nehsawh le nek zong hi ka ṭih ngai mi zong a si fawn. Pastorte anmah pumpak zohchih in biaṭha lo ka kaa in a chuak sual lai ti hi kaa veng zungzal mi a si ve. Pastor hi biapi tuk hringhran ah ka chiahmi an si caah kum hmasa zongah capar in ka rak ṭial bal cang. A theithiam deuh rih lomi tampi nih cun an ka doh ve. Nain a poi ka ti lo. Ahnu ah ai thlengmi tampi ka hmuh hna. Hi zawn ah cun ka Pastorte kaa uang ngai hna. Ka upat ngai hna.


Credit: Joseph Lian

error: Content is protected !!