Breaking News update: Falam inn kangh ruang ah minung pahnih nunnak liam

Chin Ramkulh Falam khuapi hti-yik (ထီးရိပ်) thlang ah inn kanghnak a chuak i a pawngkam inn inn li zong a kangh chih hna tiah theih a si. Hi kong he pehtlai in Falam um min langhter duh lo pakhat nih, “Atu inn a kaang mi hi a dihlak ah inn 6 a si. Inn a kangh hi suimilaam 3:30AM tluk ah a sii, 5:30am hrawngah mei kangh tha tein an hmih khawh thiah theih a si.

Image may contain: one or more people and people walking

A kangh in Falam meithat zung nih an fuh colh hna i atu cu mei an hmih khawh cang” tiah theih a si. . Hi inn kangh ruang ah aa hliam mi le a thimi cu an um um lo. Inn a kaang mi hna hi Pu Kiam Si inn, Pu Zaw Tun inn, Pi Mang Hlei Zing inn, Nu Pen inn, Pu Biak Vum Inn, Sayama Thiam Te te hna pawl i inn an si.

Image may contain: fire

Falam khuapi lan-sung zing suimilaam 3:30AM 2021 January 12 i inn kaang mi ah minung pahnih Sayama Mang Hlei Zing le Pi Rah Zing hna cu an ruak in an hmuh hna. Inn a kaang mi hi a dihlak ah inn 6 a si i zinglei suimilaam 5:30AM tluk ah mei an thah khawh.

Image may contain: one or more people and people walking

Cun, mei nih a kangh taktak mi hi cu inn 6 a si nain runven khawh nakhnga ca ah Pu Tawi te inn, Pu Khua Lian Pum te dawr le U Cin te inn pawl an theh hna tiah theih a si. A poi tuk hringhran ko. Hi a kangh mi inn 6 lawng siloin a pawngkam ah um inn 4-5 hrawng zong an theh chih lawlaw tiah an chim. Atu bantuk in Inn kanghnak in a nunnak a liam hhna chungkhat le innkangh a tonmi hna an dihlak cungah kan ngaihchiatnak hi ka hmun in kan vun langhter duh ve. Bawipa tu nih an ngaihchiatnak vialte hnemhram ko hna seh.

error: Content is protected !!