U.S President thimnak result: Trump nih teinak a hmuh cang tiah U.S mipi nih lunglawmh roca an kuat cia cang

U.S thimnak thawngpang nikhat hnu nikhat in a fiang chin lengmang cang. Nihin ni tiangah cun mipi nih Trump nih teinak ahmuh cang tiah an chim. Media pawl nih cun Biden nih teinak a hmuh tiah an chim ve. Mi zei deuh dah kan zumh hna lai timi kan i fiang kho tawn lo caah kan laica in tialmi chungin zumh deuh mi a tanglei ah kan vun tar than hna lai.

Tutan thimnak ahhin cun a bik in mah le zumh deuh mi kong kha a thatnak lei in tial cia lawng a si rih. Official tein teinak cotu cu thanh a si rih lo. Hi kong he pehtlaih in kan nih zong sual phawt awk kan tha lo a ruang cu an mah mirang nih an tial mi thawngpang kha laica in a tial than mi kan si caah a bik in theithiam cia kan herh.

Kan mah  nih cu aho paoh nih teinak an co ah kan lawmpi thiamthiam ko hna. Tanhhlei mi kan ngeih hrimhrim hna lo. A si kho ahcun an pahnih hman tuan hna sehlaw kan zei poi lo. Chim duh mi cu mi zei nih president an tuan ah ram le miphun caah a tha bik in rian a tuan ding an si veve ko caah president caah an tha veve ko tiah kan ruah hna.

Nihin tiang ah result a chuak cia mi pawl zong hi 100 chungah 70% tiang lawng an si rih. Hmaithla chungah phungning tein thanh a si te lai. Kan dih lak in zoh cia rih ko hna usih.

error: Content is protected !!