Salai Lungthli Tum Cu Khuate Lei Pawl Nih An Hloh Ko

‘Politician pawl cu hlen an thiam, an chim bang an tuah bal lo’ timi hi ka theih tawnmi cu a si. Nain, tutan election ah cun polician nakin khuate cheukhat velhle an thiam deuh timi fiang ngai in ka hmuh khawh.

Mee khat hmanh a zut lai lo, nangmah 100% kan in pek lai an kan tinak khuate tampi ah mee 8-9 lawng hna ka ngah, zero ka ngahnak zong a um😂. Sayama Nisuilian an huat ngai i mee pakhat hmanh kan pek lai lo an tinak khuate ah Sayama NSL nih mee 95% hna a ngah than.

Atu ka ruat than i khuate cheukhat cu velhle a thiam takmi nungak he an i lo ngai ka ti, i ralrin lo ahcun keimah bantuk in i chuahsual cikcek a fawi ngai. Kei zong kha teinak ngah lawng si loin a tlawm bik mee 7,000 tal cu ka ngah hrimhrim lai tiah kai ruahmi a si cu.
Credit: Salai Lungthli Tum

Relchap>>>>>>Georgia Ah Vote Relthannak (Recount) Phichuak Ah Biden Nih Buam A Co Thiamthiam
=====================================================================
Georgia hi Presidential candidates an i tluktuknak state a si i, “Biden nih Trump a tei cang,” tiin vote relthannak (audit) an tuah hnu ah a tu bantukin thawng an thanh hi a si. Cu thawngpang cu Secretary of State’s office sinin an theihmi a si. Audit an tuah hnu i a nehnungbik a phichuak ningah cun, Georgia ah Biden nih Trump cu vote 12,284 in a tei, tiah fehter a si cang. A hramthok i Biden nih a hmuhmi vote nakin tlawmte a vun tlawmdeuh ah a cang.

Election kongah langsartuk lehpek in vote firnak asiloah thil ai ningcanglo mi a um hraw lo, tiin audit nih a namhneh cang. Georgia’s election results official tein namhnehnak cu Friday hrawng tal ah tuah khawh dingin state law nih a fial hna. “Tutan i Georgia pumpi culin vote relthannak tuah hi Georgia tuanbia chungah avoikhatnak bak a si i, paper ballot voting system an hmanmi nih in an vote vialte hi thatein a rel hnu ah a phichuak a thanh hi a si,” tiah Georgia Secretary of State Brad Raffensperger, Republican, nih a chim.

“Kan county pawl an i zuamnak thawngin le caan tawite chungah khulrangtein tuanvo lim kho dingin kan state election officials pawl thazaang an chuah khawh ruangah a tu bantukin tlamtlingtein rian kan tuan khawhmi hi a si,” tiin Raffensperger nih a chim.

Republican state bantukin ruah pengmi Georgia i Trump a sunghmi hlei in hin khoika state hmanh ah Trump caah a faakmi sunghnak a um ti lai lo dah. Atlanta kingkap khuate tampi nih Trump an ralchanh i, Black voters tor le cheng nih Biden cu buanco kho dingin an dirkamh. Vote hmuh nak dingah kum tampi chung Democrats lei nih thazaang an chuahmi cu santlai lo a rak si tawn nain, tutan ah cun biatak tein hmunhma an vun khuarpiak cang hna.

“Georgia i votepetu pawl nih hin a ralaimi President si dingah Biden tu hi vote an pek cang. Cucu tuan tein kan theih cang mi a si. Tutan vote relthannak i a phichuak nih cucu a vun namhneh than cang,” tiah Georgia i Biden campaign communication director a si mi Jaclyn Rothenberg nih a chim. “Tutan vote relthannak lim dingah caan i teet ngai hmanh sehlaw, zapi rian a si, ti thei in rian nan lim caah, election officials le zaanghlei a cawitu hna le riantuantu vialte hna nan cungah kan i lawm hringhran,” tiin Rothenberg nih a chim.

Georgia state hi vawleicung politic i a muru a si, zeicahtiah, hi state chungah a ummi, a rian ai ding chom dingmi US Senate 2 hna an zaka i thimnak tuah a simi nih hin the Senate hi zeibantuk political party nih dah a uk (control) lai, timi lai an rel te lai. “Georgia i an hmanmi voting software hi a diklo mi a si. Cucaah, vote relthannak an tuahmi zong hi a deu “fake” a si. Computer in minung minthut an checkter mi zong hi ai khat fawn lo,” tiin Trump nih cun twitter in tu le tu a lungtlinlonak a langhter.

“Minung kut theng tein vote relthannak nan tuah tikah nan i hmaithlakbik dingmi thil pakhat a si mi cu, vote catlap (ballot) cung i na hmuhmi thil (min le ai dehmi tete) le computer nih a langhtermi ai khat le khat lo, ti a hi a si,” tiah Georgia voting system manager Gabriel Sterling nih a chim. “Minung thengte nih zohfelnak an tuahnak a ruang cu, nan theih bangin, sehthilri nih hin vote hi a thlennawn khawh, asiloah a nawnnok khawh, asiloah pakhatkhat a tuah tawn. Asinain, Georgia ah cun cu bantuk cu a um lo. A um lo zia tehte kan langhter ko cang,” tiah Sterling nih a chim.

Zarhkhat chung vote relthannak an tuah lio ah khan, Eleciton Day i an relchih lo mi vote thar, asiloah relchap dingin Secretary of State sinah ningcangtein an kuat lo mi voter thar a tom in county 4 i officials nih an hmuh. Cu vote thar cu a dihlak ah 5,800 lengkai an a si i, cu lakah cun vote 1,400 hi Trump caah a si. Asinain, Trump te lei nih cun cu zong cu vote dehhlenpiak duh ruangah a si, tiin an kan tipiak. “Hihi cu minung nih kan i palh ruang i a cang sualmi thil a si. Vote fir duh ruangah, asiloah vote uk duh ruangah a si lo,” tiin state officials nih a chim.

“A hramthok (Election lio) i seh (machine) in vote relmi le tutan i vote relthannak tuahmi karlak ah thil ai thleidangmi tlawmte cu a um ve ko. Cu bantuk cu kut in relmi vote kong zongah a um pah theu mi a si ko,” tiah Raffensperger nih a chim. “Georgia tuanbia ah avoikhatnak state pumpi ningin vote relthannak kan tuahmi cu tluangtein kan lim cang. Tuan i buan a comi nih buan a co than ko. Cucaah, vote petu mipi zong nih tutan a phichuak kongah zumhfehnak nan ngeih awk a si,” tiin Georgia i vote relthannak tuahnak rian a bawmtu The election security nonprofit VotingWorks i an executive director Ben Adida nih a chim.

“Raffensperger hi tutan election kongah piangrangtein a cawlcang lo, lungthiangtein thil a tuah fawn lo. Cucaah a rian in i phuak seh law a tha,” tiin Georgia ah a thumi GOP senators David Perdue le Kelly Loeffler nih an thangchiat. Trump zong nih faak ngaingai in a siik, ti a si.

“Georgia ah hin langsartuk in vote firnak a um hraw lo,” tiin Wednesday ah khan Raffensperger nih CNN ah a chim. Trump le a Republican riantuanhawi li nih a thang an chiatmi kong an hal lio ah “Kei cu ka chanchung Republican ka si i, conservative Christian Republican bak ka si,” tiin a leh hna.

“Phungningtein thlakmi vote a si mi paoh cu pakhat hmanh hlelh lo in relthan dingin ka thithruai hna lai. Phungninglo in thlakmi vote paoh cu kan rel lai lo. Record ka tuahmi cu amah ning te a si ko lai. Rian lianngan kan lim cang,” tiin a chim.
Credit: Chelsea Bawi

error: Content is protected !!