President Donald Trump te chungkhar Pathian an i bochan ning hi America caah cun a sunglawi bik a si ko

US rampi biaceihnak zung sangbik Supreme Court ah riantuantu Ruth Bader Ginsburg 87, cu nizanah metastatic pancreatic cancer in a nunnak a liam. Amah hi liberal le Democratic lei ah biatak tein dirkamhnak a tuah pengmi asi caah Democratic party caah cun sungnak lian tak tak an tong tiah chim khawh asi. Cu lawng si loin, Khrihfa biaknak nih a kal pimi hi zeiah a rel lem lomi asi fawn. Ruth thihnak kong he pehtlaiin Senate Majority Leader Mitch McConnell nih a timi cu, tu kum chung hrim hrim ah amah aiawhtu senate nih a thim than a hau tiah a ti.

Senate Majority Leader Mitch McConnell hi Republiacan nih bochan tak takmi Senate riantuantu asi. Obama chan lio ah Supreme Court minung pakhat thimdingmi ah Obama nih Merrick Garland cu 2016 (Donald Trump nih Prez thutnak a tlaih hlan deuh) ah khan nominate a rak chuahpi nain McConnell nih a rak hnon piak I, Donald Trump a tlin bakin Trump nih Neil Gorsuch cu 2017 ah Supreme Court riantuantu dingah a rak thim. Tutan ah hin Donald Trump nih khrihfa a dirkamhtu zumtu tha pakhat a thim than rih te lai. Mizeidah timi kongah thawngtheih ding zeihmanh a um rih lo.

JULIAN CUNGAH DUHTHIMNAK A UM CANG: Donald Trump hi a men bak lo. Nihin ah London court nih report nih achimning ahcun, Julian Assange cungah duhthimnak a um cang tiah a ti. Donald Trump nih atimi cu, 2016 US presidential election hlan I Democratic National Committee emails a hack mi vialte ka kut cung na phanhter dih ahcun ngaihthiam na si lai tiah a ti. Assange hi nihin tiang London thonginn ah a um peng, US nih rak ka kua a ti nain London a kua lo.

President Trump nih a chim bantuk in Julian Assange nih tlam atlinter ahcun thongchung in chuah asi lai I, cuhlan I US cozah thlithup thil a phozar mi vialte zong ngaihthiam a si lai tinak asi. Julian nih zeibantuk biakhiahnak dah a tuah te lai. Email a firmi vialte cu Donald Trump kut phanhter I, Thonginn chungin chuah lawng si loin asualnak vialte ngaihthiam maw aa thim deuh lai maw, Thonginn chungah thih hlanlo um dah aa thim deuh te lai

Julian nih a hack mi emails vialte Trump kutcung aphanhter bakah cun Obama chan lio ah zeitindah thil an rak tuah timi vialte Trump nih a theih dih cang lai tinak a si. Obama le Hillary Clinton caah thinphang ngai ngai asi. Hillary nih US Secretary of State a tuan lio ah ning cang loin email a hmang timi kongah buainak tampi a rak um cang. Mah vialte zong theih dih a si cang lai

Donald Trump cu phungning tein Republican Party nih 2020 president aa cuh than lai timi fehternak an tuah cang. Cu fehternak an tuah hnu ah President nih Americans mipi riantuantu hna caah pakhat achimmi a um. Atimi cu, American companies pawl nih hi hi nan tuah lai lo tiah khamnak atuah. Cu cu zeidah asi tiah cun, American companies pawl nih riantuantu hna cu thlahlawh tlawm deuh pek duh ruang menah American minung riantuantu cu a rian phuah riangmang i phungning lo mipem cu thlahlawh tlawm deuh pek in lak tibantuk a ngah lai lo.

Zeicatiah American minung riantuantu cu ramdang minung nih a rian achuh awk a si lai lo. Hibantuk thil tuah hi kham asi cang lai tiah athanh than. Pandamic ruangah ramchung minung tamtuk riantuan awk ngeiloin an um lio ah ramdang minung rian pek timi cu a si awk asi lo. Kanmah cu teitu kan si awk asi. Hi hi kan ram tuanbia ah abiapi tukmi asi tiah achim. Hi hi kan chimh rih hna, ka tuah dingmi cu hi hi a si lai, Phungning lo mipem (illegal immigration) hi ka donghter lai I, Americans minung riantuantu hna cu tha tein kilven an si lai tiah achim chih. Ramchung minung pawkhim hlanah ramdang minung paw khimter cu aa tim baklo ti hi Trump policy bak asi ti a fiang bak hih.

error: Content is protected !!