Breaking News: U.S Wisconsin state shopping mall ah meithal kahnak a chuah mi thawngpang fiang update thar mi

Wisconsin ramtthen Milwaukee i dawr Mayfair Mall (shopping mall) cu meithal in voitamtuk an kah tiah tunai te khan American media nih an ttial. Atu tiang meithal kaptu an tlai kho rih hna lo, minung pakhat nak tam si lai tiah an ruah. A thimi le hliamhmi hi minung pa 8 hrawng an si i, an dih lak in sizung ah an kal pi colh dih hna. US friday zan lei suimilam 2:50-3:00pm hrawngah meithal kahnak a chuah hi a si.Hi thawngpang atu nai bak kha a cang mi a si. Wisconsin state hi tutan thimnak ah a buai ngainak pakhat a si ve. A dang state hna zongah hi bantuk thil cang sual a chuak kho mi a si caah atu lio ahcun mibu umnak le shopping mall kal te pawl hrial le kal lo hman a tha deuh rih.

 

Donald Trump nih Election ah keimah nih ka tei ko tiah nawlsen hnuk in a aupi i Vote rel ti lo ding in a ti chel rel u a ti chel a si lio ah Joe Biden cu thimfung million 80 deng a hmu cang tiah Fox nih a ttial. Atu hi Biden nih Electoral College cu 290-232 in a tei rih i mah lak ah a tei chap lai tiah an zumhnak Georgia ramtthen aa tel rih lo. Hi ramtthen a tei ahcun 306 a hmuh lai. Donald Trump te pafa nih Michigan ramtthen taza an cuaimi cu an ngol tthan tiah American media nih tuni khan an ttial.

USA hmun kip ah lamzawh aunak a ummi i Washington DC kha biapi in Trump ttanhtu vunrang hruainak in an tuahmi a si. An aumi cu Fir kha Ngol u ti a si. Mah cu Trump nih thimfung an fir tiah a chimmi an zumh caah a si. “March for Trump” ti le “The Million MAGA March” tiin ca an i ken hna. Mah cu a duh lomi pawl nih an rak au hnawh ve hna caah lam ah i sikvelhnak a chuak tiah NBC News, Washington Post nih an ttial. Minung 20 an tlaih hna. Palik pahnih an hliamh hna i nam in pakhat an sawh. USA cu vawleicung ah Coronavirus a tambiknak a si. Mah lio ah minung a thongthong in an i tong hna i Trump tanhtu pawl cu hmaihuh aa tuah lomi an tamdeuh.

Turmp nih a voikhatnak bik Press Conference a tuah i Covid19 kong tam nawn a chim. Coronavirus khamsii hi keimah lo a dang hohmanh nih mah tluk rang in a ser kho lai lo tiah hman khawh nakding ah 10% hrawng lawng aa duh cangmi Pfizer le German BioNTech sermi sii kong ah Credit aa lak. USA ramthen vialte kan pek dih hna lai nain New York belte hi an Governor Cuomo nih raikhamsii a zumhraih tak lo ahcun kan pe hna lai lo, tiah a chim chih.

Governor Andrew M. Cuomo hi Democratic a si i Trump nih a ralaimi thla hnih chung ah Covid raikhamsii a tawlrel ahcun politics a tuahnak lai ti a phan kong a chim caah Trump nih mah ti a lehmi cu a si. Raikhamsii hi EU zong nih an cah ve caah USA ah a zatawk a um rih lo i Trump nih amah tanhtu Republican States pawl lawng a pek hnmasa sual hna lai ti a phang. Mah Press Conference ah cun Election kong kaa khat hmanh a chim duh lo. Asinain USA hi Lockdown ka tuah lai lo, kan tuah ahcun minung nunnak a liam kho. Mi zeidah cozah tlai lai timi cu caan nih a chim te lai, tiah Trump nih a chim.

error: Content is protected !!