Biak Inn A Kang Mi Chungah Thil Mak Tak Tak A Um

Philippine ram Manila ah a um mi Sto. Niño de Pandacan Biakinn cu July 10, 2020 ah khan a kangh i a ciam dih tiah theih a si. Mah Biakinn a kang mi chungah hin Bawi Jesuh lem an tuah/ser mi a um, a dnag cu ciamdih in a kang nain Bawi Jesuh milem an tuah mi cu a rak him tiah theih a si.

Mah thil a cang mi kongah Sto. Niño de Pandacan Biakinn ah ai pum ton mi le a hmuh tu vial te zong an khuaruah a har tak tak. Mah Bawi Jesh milem an tuah mi hi thingin an tuah mi a si. Khuaruahhar awk a that lonak cu a dang cu a dih lak in a kang dih nain mei nih a duh tak mi thinginn tuah mi Bawi Jesuh milem a kangh lo mi a mak ko.

Relchap >>>>>>
Halkha um Miphundang pawl nih CNLD an vote lai maw?
Miphun Party dir hi a herh/palh maw?

Halkha khuachung ahhin milu 30,000 (thongsawmthum) kuakap an um. Cu ahcun thongnga (5,000) hrawng hi miphundang(atam-u Kawl) an si lai tiah ruahdomh a si—cozah riantuan, ralkap le company riantuan an tam. Tuchun NLD Halkha khuachung an ichawhnak zongah miphundang an tam tiah theih a si. Phundang in chim ahcun NLD le USDP cu Halkha ah campaign tuah hau loin vote 3,000 (thongthum) hrawng an i hum cia cang tinak a si. “Kannih cu Chin kan si lo le zeitindah kan in vote rua hna hnga” an kan ti.

An palh hrimhrim lo. Zeitindah an miphun a si lomi party cu an vote duh khe lai. Asi kun ah Chin mipi nih teh Chin party cu vote an pe kun lai maw? An pek kun lo ahcun (pek a herh lo kan ti ahcun) Chin party cu kan hrawh lawlaw kun ne lai maw? Pu Lian Uk nihcun “CNF le CNLD hi um hlah sehlaw miphundang hmai hmanh zeitindah kan khah lai” ati ko khah. Kan Bawipa Jesuh nih hi vawlei ah riantuan hram a thawkka ah “Sifakmi hna sin i thawngtha chim awk ah… saltangmi hna sin i luatnak thanh awk ah le hremmi hna luatter dingah a ka thlah” ti hi a chim hmasa bikmi thawngtha a si (Luka 4:18).

A ngaingai ahcun miphun le biaknak ah thleidannak fak bik a tuartu, hrapcheu tiang dolh cangmi le a sifak bikmi Chin miphun kan himnak ding, luatnak ding le damnak tling kan hmuh khawh nakding hi Bawipa Jesuh hi vawlei a rak rat hnawhchan pakhat a si. Cucaah miphun ah fek tein dir hi ilaklawh hrimhrim hlah usih. Khrifa hna kan rian a si. Na ke hnih tein miphun ah chia ko. Teinak kan hmuh hrimhrim ko lai. Bawipa pei kan lei ah a ttang cu!
Credit: Salai Ceu Bik Thawng

error: Content is protected !!