KAWLRAM REMDAIHNAK HNATLAKNAK TUAH DINGAH DONKHAN TU BIK

Kum 10 chung a rau cangmi Kawlram remdaihnak tuah khawh lonak dingah an hmanmi bia kalning, biachahnak tuah tikah a can a si rih lo, ka thin a phang ko ti in biachahnak tuah than lo, biachahnak tuah cangmi zong tuan chuak dingin a si kho lomi a cheu hrawng cu aitel mi harnak hna kan ton cuahmah ko. Mah ti harnak a um mi hna kha tlangcungmi hriamtlai aiawh tu CNF Vice Chairman a simi Dr. Salai Lian Hmung Sakhong nih August 17 ah an tuahmi 19nak UPDJC meeting ah a chim.

Kan hnulei a luan cangmi thla chungah an tuahmi meeting ah pyine phoihsipung a chekhan upadi le Pyine a chekhan upadi timi biahman ning ah hnatlaknak kan tuah khawh lo ruangah a tu an tuah dingmi a voi linak 21 pinlung conference ah hin cun mah kong kha cu an chuahpi ti lo. Mah pawl hna cu Rampi ruahnak petu nih a chuah pimi Federal a chekhan mu 5 chungin a si. Mah hi 2019 October thla khan kum 4 tlinnak NCA ton pumnak ah ASSK nih a chuah pi I hriamtlai, cozah le ral kap zapi nih hnatlak cangmi a si. Asinain meeting ahcun a biatlang hman ning kong ah lung ai khah khawh lo caah pyitaungsuh hnatlaknak chungah an khumh kho lo

Mah bantuk thiamthiam in kan chuak lai lo timi bia hman ning zong kha a kum in an I ruah cang nain a hnu ahcun mah bia ai ah khan a dangin kan I fon lai timi bia tu kha meeting ah an I ceih khawh hna. Mah ti kan tuah khawh lonak le biachahnak tuah khawh lonak cu kan tih timi bia ka khat ruangah a si ko tiah Salai Lian Hmung Sakhong nih a chim. Ni khat chung meeting kan tuah, biachahnak kan ngei canglai timi ah pakhatkhat dirin keimah cu ka thin a phang, a can a si rih lo ti in ka ruah a ti cangka in zeitihmanh in biachahnak tuah khawh a si ti lo tiah a chim fon.

San Suh Kyi nih cun ram khel ning in bia ai ruah mi hna nih kan mah bu khat thatnak nak in rampi than chonak, tlangcungmi ca a thahnemmi, hmailei ca a tha dingmi long kha hmai hmaiah kan chiah ding hi a biapi tuk ti in August 17 meeting ah a chim ve. Asinain a meeting taktak ahcun thin phannak bia hman in le a bia lem lomi ceih khannak hna in mi tam deuh cu kan si caah hin kan ram daihnak lam thluan hi ruahnak bantuk in a tlam tling lo tiah chim nak hna a um.

Atu bantuk in ruahnak bantuk in a si lonak kongah Daw Aung San Suh Kyi nih cun kan biahman ning , auhning, kongah hin zumhnak a um khawh lonak harnak an si tiah a ti. Ramkhel ningin kan tonmi harnak si loin pakhat le khat zumh lonak ruangah asi tiah a ti. Cucaah pakhat le khat zumhnak a um khawhnak dingah kan I zuam hmasa a herh tiah a chim than. I zumhnak kan ngeih khawhnak hnga phu khat le phu khat I theih thiamnak kan ngeih a herh. theih thiamnak, I zumhnak hna hi chim a fawi tluk in practical in cun a har taktak mi a si tiah Daw Suh nih a chim.

error: Content is protected !!